Við lifum heldur betur á fordæmalausum tímum, í dag er samkomubann eins og varla hefur farið fram hjá neinum og er nú miðað við 20 manns, barir lokaðir, matsölustaðir með takmarkaða opnun og það sama gildir um kaffihúsin.
Utanlandsferðir eru orðnar fjarlægður draumur og fólk er farið að taka líkamsræktina á stofugólfinu og stórafmæli og tyllidagar þar sem fólk kemur saman heyra sögunni til. Fyrir utan allt þetta þá erum við hvött til að halda okkur sem mest heima og vera ekki mikið á ferli nema bara til að gera það nauðsynlegasta.
Við megum samt ekki tapa gleðinni, það er fullt til að þakka fyrir og bara dagurinn í dag er ein góð ástæða. Eitt er víst að það að sitja heima í þunglyndi, spá í Covid bumbuna og vorkenna sjálfum sér gerir ekki mikið gagn þannig að nú verðum við bara að hlýða Víði og taka gleðina og partýið heim í stofu.
Fyrst að veitingahúsin eru lokuð þá þýðir það samt ekki að við þurfum að hætta að borða á veitingastöðum, núna pöntum við einfaldlega matinn heim af veitingahúsunum og búum til okkar eigin veitingastað heima í stofu, það sama gildir um barina því vissulega eru þeir lokaðir. Fyrst að barirnir eru lokaðir þá einfaldlega tökum við barinn heim, en þar komum við hjá Bako Ísberg sterk inn því við eigum allar græjur til að taka barinn heim. Þú finnur hristara, mæliskeiðar, mortel, glös, vínfötur og allt sem þér dettur í hug að góður bar þurfi að eiga.
Við hjálpum þér að taka barinn heim því við eigum ALLT til að selja þér nema áfengið (skoða barvörur í netverslun)
HÉR getur þú skoðað allar flottu barvörurnar okkar, en við erum eingöngu með hágæða glös og barvörur sem að fagmaðurinn verslar.
Munið að verslun okkar sem sataðsett er að Höfðabakka 9 er opin alla virka daga til 17.00 á daginn. Hjá okkur er hátt til lofts og vítt til veggja sem sagt nóg pláss fyrir 2 metra regluna. Endilega skoðið líka úrvalið í netversluninni okkar, við eigum allt fyrir fageldhúsið og fyrir fólk sem gerir kröfur um gæði þegar kemur að matarstellum, eldhúsgræjum, barvörum og öllu sem snýr að eldhúsi.
Góða helgi kæru vinir
